Pas një organizimi historik të Kampionatit Botëror të Muaythait në Kosovë, ku morën pjesë mbi 80 shtete nga mbarë bota, Kosova shkroi edhe një faqe tjetër të rëndësishme në historinë e sportit.
Më 10 shtator 2026, garuesi i Kosovës, Sayed Mosawi, pas disa luftërave radhazi, arriti të shpallet kampion bote në Muaythai, duke fituar medaljen e artë! 
Ndërsa Domenik Nrecaj, Arjan Hajdari dhe Elton Shyti arritën të fitojnë medalje të bronzta dhe të renditen në vendin e tretë në botë. 
Kështu, Kosova në këtë Kampionat Botëror arriti të fitojë 4 medalje botërore në Muaythai, një sukses i jashtëzakonshëm për sportin tonë. 
Dhe historia vazhdon!
Edhe flamuri i Kosovës, përmes sportistit Valon, u ngjit në majë të podiumit me medalje të artë në Muaythai.
Ky është rezultat i punës, përkushtimit dhe mbështetjes së madhe që kemi pasur gjatë gjithë këtij rrugëtimi.
Faleminderit nga zemra Ministrisë së Kulturës, Rinisë dhe Sportit, për mbështetjen dhe përkrahjen e vazhdueshme. Faleminderit Komitetit Olimpik të Kosovës. Faleminderit Komunës së Deçanit. Dhe një falënderim i veçantë për të gjithë sportistët, trajnerët, vullnetarët, organizatorët, mysafirët dhe të gjithë ata që për 10 ditë radhazi ishin pjesë dhe dhanë kontributin e tyre në këtë Kampionat Botëror historik. Kosova po shkruan histori në Muaythai!Kosovo – Where Sport Unites the World!
