Federata e MuayThai të Kosovës, më 27 dhe 28 nëntor 2025, organizon tradicionalisht turneun ndërkombëtar kushtuar veprimtarit dhe patriotit të shquar të çështjes kombëtare, Smajl Haradinaj.
Ky aktivitet sportiv, i cili tashmë është bërë pjesë e kalendarit të rregullt të Federatës, synon të nderojë figurën dhe kontributin e Smajl Haradinajt, duke bashkuar sportistë dhe klube nga vende të ndryshme në frymën e sportit, respektit dhe bashkëpunimit.
Gara do të mbahet në palestrën “Shani Nushi” në Gjakovë dhe do të fillojë në ora 12:00.
Federata e MuayThai të Kosovës fton të gjithë sportdashësit, qytetarët dhe mediat që të jenë pjesë e këtij organizimi dhe të mbështesin sportistët që do të paraqiten në këtë ngjarje të rëndësishme sportive.
Ju mirëpresim!
Me respekt,
Shpejtim Ahmetaj
President i Federatës së MuayThai të Kosovës
